De Club des Jeunes Christnach,
invitéiert Iech häerzlech en Dag zu Waldbëlleg ze verbréngen, an zwar

Samsdes, dën 31. März 2012
ab 11.00 Indiaca-Tournoi an
ab 22.00 Knëppelbal mam DJ DEE!
+++ Special Black Light Night +++

INDIACA ass eng Sportaart déi dem Volleyball vill gläicht. D'Regelen sinn bal d'selwecht wéi beim Volleyball. Am Plaatz vun engem Volleyball gëtt mat engem INDIACA-Ball gespillt. Dëse Ball huet 4 Fiederen a gëtt mat der Hand geschoss.

Op dësem Weë wëllen mir Iech awer och matdeelen, dat dëst Joer eis Sportshal zu Waldbëlleg renovéiert gëtt. Dofir fënnt den Indiaca-Tournoi uewen am Hangar statt, wou och owes eisen Knëppelbal ass.

Matmaachen kascht 8€ pro Mann, do ass awer och d'Entrée fir de Bal mat abegraff.
Bei Umellung bis spéitstens den 28. März 2012 ass et nemmen 7€ pro Mann!
Minimum 5 Persounen pro Equipe!
Dir kënnt zwar och einfach esou kommen, mee dann ass keng Garantie gin fir matzespillen.
Unmellungen gin ab 11.00 Auer ungeholl
Training ass ab 12.00 Auer

Fir all weider Informatioun oder Umellung
kënnt Dir Iech ënnert der Nummer 691861163 mëllen oder Dir schreift eis einfach eng Mëttes ass och fir z'iessen an drénken gesuergt!

Mir freën eis schon op äert Matmaachen, an wann net, gesinn mir eis um Knëppelbal wou richteg gefeiert, a "geknëppelt" gëtt.

All Equipe déi um INDIACA-Tournoi matmécht, kritt owes um Bal 1 Meter Béier gratis.
Präisiwerreechung ass owes um Knëppelbal.

Knëppelbal: Virverkaaf: 4 € - Oweskeess: 6 €

Mat frëndleche Gréiss
CDJ Chëschtnech

Regelen vum INDIACA Tournoi

De Match dauert 10 min (Ännerungen si méiglech) an d`Säiten ginn net gewiesselt.
Ausnahm: d´Finalen (1. an 2. Platz, 3. an 4. Platz). Déi daueren am ganzen 12 minuten. An deem Fall ginn zwou "Halbzeiten" gespillt, dat heescht 2*6 minuten.
An enger Equipe sinn: 5 Spiller an evtl. 1 Ersatzmann.
Tëschent de Matcher sinn 2 Minutten Paus. Déi Equippen, déi duerno un d'Reih kommen, sinn awer gebieden sech direkt nom Match um Terrain anzefannen.
Während den eenzelnen Ronnen sinn 8 Minutten Paus virgesinn.

D´Spill:

Déi Mannschaft, déi zum Schluss vun der Zäit 2 Punkten Virsprong huet, ass de Gewënner.
D´Mannschaften dierfen sou oft wiesselen wéi se wëllen sou bal de Ball aus dem Spill ass.
De Schiedsrichter huet ëmmer Recht, Streidereien kënnen zur Disqualifikatioun feieren.
Den Opschlag gëtt hannert der hënneschter Linn ausgeféiert.
Den Indiaca gët vun ënnen opgeschloen.
Nom Ballgewënn gëtt wei am Volleyball gedréint.
All Fehler feiert zum Ballverloscht.
Den Indiaca däerf d´Netz beréieren, ausser beim Opschlag.
D´Linnen gehéieren nach zum Feld.

D´Fehler:

Den Indiaca däerf de Bueden net beréieren.
Den Indiaca muss iwwert Netz gespillt gin.
Den Aus gëtt als Fehler gezielt.
Netz däerf beim Opschlag net beréiert ginn.
Den Indiaca muss no dräi Beréierungen op d`geignerescht Feld gespillt ginn, an keng Persoun däerf den Indiaca zwee Mol spillen.
Den Indiaca muss geschloen ginn, en däerf net gefeiert ginn.
D´Spiller däerfen net an d'Netz gräifen an net iwwert d´Mëttellinn trieden. ( Wa beim Smash d´Hand an d'Netz gräift, den Indiaca virum Netz gespillt gouf, an de Géigner net behënnert gouf, ass et kee Fehler.)
Den Opschlag muss korrekt ausgeféiert ginn an et däerf een net iwwertreppelen.
Den Indiaca däerf nëmmen mat der Hand oder mam Ennerarm gespillt ginn.

***Evtl. Ännerungen si méiglech.***